Uładzimir Zialenski, kiraŭnik Ofisa prezidenta Andrej Jarmak i Valeryj Załužny. Fota z fejsbuka namieśnika ministra abarony Hanny Malar
— Jaho razdražniaje, kali kažuć, što ŭkrainskaje nastupleńnie pavolna prasoŭvajecca. Heta nie šou, dzie možna rabić staŭki. Kožny mietr dajecca kryvioju.
— Jon uvieś čas na suviazi z hałoŭnakamandujučym armii ZŠA Markam Mili i ŭvieś čas prosić pavialičyć pastaŭki ŭzbrajeńnia i bojeprypasaŭ. Mili dobra ŭsio razumieje, ale pastaŭki nie zaležać tolki ad jaho adnaho.
— Ukraina atrymała tanki «Leapard» nie dla taho, kab tyja jeździli na paradach, a dla bajavoj pracy. Na poli boju luby «Leapard» — cel dla voraha.
— Vajskovaja daktryna NATA — heta dobra, ale kali ŭ ciabie jość pavietranaja pieravaha nad praciŭnikam. Krainy NATA majuć šmat samalotaŭ, i jany mohuć dazvolić sabie prytrymlivacca joj całkam.
— Źniščalniki, jakija stajać na hety momant na ŭzbrajeńni va Ukrainy, nie mohuć supraćstajać rasijskim. Ukrainie nie treba šmat samalotaŭ, ale Ukrainie patrebnyja samaloty novaha pakaleńnia. Usie b ździvilisia, kab ukraincy pajšli ŭ nastup z łukami i strełami, ale čamuści ŭsie ličać narmalnym, što ŭkraincy iduć u nastup biez sučasnych samalotaŭ.
— Miaciež PVK «Vahnier» pakul što nie asłabiŭ rasijskija linii abarony. Jaje pieradysłakacyja ŭ Biełaruś — heta taksama pahroza, ale pierad Ukrainaj ciapier stolki pahroz, što kali pieraličvać usie, to hałava pojdzie kruham.
— USU praciahnuć nastupać, što b tam ni było z Zaparožskaj AES abo pahrozami jadziernych udaraŭ. Ruskija ŭsio robiać z metaj zapałochvańnia, ale zdavacca pierad zapałochvańniem nichto nie źbirajecca.
Čytajcie taksama:
Załužny: Nam udałosia pierachapić stratehičnuju inicyjatyvu, jość prasoŭvańnie
Załužny — siaržantu-šturmaviku: Anu, adzieŭsia biahom! Zarobiš u mianie!
