Za BPC zamacoŭvajecca asablivaja rola. Fota: «Naša Niva»
Pierarehistracyja relihijnych arhanizacyj moža prajści ŭ Biełarusi, ciapier idzie padrychtoŭka prajekta zakona, jaki tyčycca kanfiesij, i jon užo vyniesieny na hramadskaje abmierkavańnie, pra heta paviedamili ŭ aparacie ŭpaŭnavažanaha pa spravach relihij i nacyjanalnaściaŭ pry Saŭminie, piša «Sputnik».
Na hetym tydni byŭ apublikavany i vyniesieny na hramadskaje abmierkavańnie zakon ad 17 śniežnia 1992 h. № 2054-CHII «Ab svabodzie sumleńnia i relihijnych arhanizacyjach» u novaj redakcyi.
«Ciapier prajekt zakona dašlifoŭvajecca i rychtujecca da ŭniasieńnia va ŭrad», — paviedamili «Sputniku» ŭ viedamstvie.
Tam udakładnili, što inicyjataram raspracoŭki hetaha zakonaprajekta staŭ aparat Upaŭnavažanaha pa spravach relihij i nacyjanalnaściaŭ.
«Heta zroblena ŭ metach pryviadzieńnia ŭ adpaviednaść zakona z Kanstytucyjaj Biełarusi», — rastłumačyli ŭ aparacie.
Taksama tam adznačyli, što ŭ kancy červienia zakonaprajekt moža być pieradadzieny va ŭrad. Nastupny etap — abmierkavańnie ŭ parłamiencie.
U aparacie Upaŭnavažanaha taksama nie vyklučyli, što paśla pryniaćcia hetaha prajekta zakona ŭ krainie moža prajści pierarehistracyja relihijnych abjadnańniaŭ i arhanizacyj.
Ciapier u Biełarusi zarehistravanyja 174 relihijnyja abjadnańni respublikanskaha ŭzroŭniu, a ŭsiaho relihijnych arhanizacyj kala 3,5 tysiačy.
Papiaredniaja pierarehistracyja relihijnych arhanizacyj u Biełarusi prajšła amal 20 hadoŭ tamu. Uvieś praces pierarehistracyi doŭžyŭsia bieź niečaha dva hady — z 2002-j pa 2004-j.
Jak vynikaje z tłumačalnaj zapiski, jakaja supravadžaje vyniesieny na abmierkavańnie dakumient, novaj redakcyjaj zakona, u pryvatnaści, zamacoŭvajecca asablivaja rola BPC u histaryčnym stanaŭleńni i raźvićci duchoŭnych, kulturnych i dziaržaŭnych tradycyj biełaruskaha naroda, a taksama nieadździelnaść ad ahulnaj historyi naroda Biełarusi inšych chryścijanskich, iudziejskich i isłamskich relihijnych arhanizacyj.
Uvodziacca novyja terminy «niadzielnaja relihijnaja škoła», «misijanierskaja dziejnaść», «relihijnyja simvały».
Akramia hetaha, unosiacca źmianieńni i dapaŭnieńni ŭ paradak dziaržaŭnaj rehistracyi relihijnych arhanizacyj. Taksama rehłamientujecca paradak dziejnaści pry ažyćciaŭleńni misijanierskaj i pałomnickaj dziejnaści.
