MZS Ukrainy ŭ supracoŭnictvie ź inšymi viedamstvami evakuiravała z zony bajavych dziejańniaŭ u Sudanie za 24-26 krasavika 91 čałavieka. Fota: oleg.nikolenko.50 / Facebook
Pavodle pradstaŭnika MZS, «dziakujučy šmatuzroŭnievaj, staranna spłanavanaj apieracyi» Ukraina evakuiravała z Sudana 91 hramadzianina, siarod ich 83 — ukraincy. 64 ukrainca vykazali žadańnie viarnucca na radzimu.
Nikalenka paviedamliŭ, što inšuju hrupu, jakaja składałasia z 5 ukraincaŭ, udałosia 26 krasavika ranicaj vyvieźci aŭtobusam na terytoryju Jehipta. Ciapier jany znachodziacca ŭ biaśpiecy.
Jašče troje hramadzian byli evakuiravany ŭ kaardynacyi z uradam Hiermanii.
U toj ža čas Biełaruś i Rasija paviedamlali, što čakajuć bolš biaśpiečnaha času. Pavodle ambasadara RF u Sudanie Andreja Čarnavoła, rasijski bok prapracoŭvaje pytańnie evakuacyi rasijan z Sudana. Jon rastłumačyŭ, što pramarudžvańnie źviazana z acenkaj peŭnych ryzyk i pahroz, jakija treba minimizavać.
MZS Biełarusi paviedamlała, što ŭ stalicy Sudana Chartumie znachodziacca 10 biełarusaŭ. Pavodle MZS, usie ŭ biaśpiecy, adnak evakuacyja pakul niemahčymaja z-za bojesutyknieńniaŭ u krainie.
15 krasavika ŭ Sudanie ŭspychnuli žorstkija bai pamiž miascovymi vajskoŭcami i siłami chutkaha reahavańnia — vajenizavanymi farmiravańniami krainy. Roznahałośsie ŭźnikła z nahody intehracyi apošnich u skład vojska i adterminoŭki padpisańnia padtrymanaha mižnarodnaj supolnaściu pahadnieńnia z palityčnymi partyjami ab pierachodzie da demakratyi.
