19 sakavika dziaržSMI napisali pra novy vid hiravoha sportu — «biełaruski žym». Heta adnačasovy padjom dźviuch hir ležačy na praciahu 5 chvilin. I pieršyja rekordy ŭstalavali stvaralniki dyscypliny — Viačasłaŭ Charaneka (u katehoryi 60+) i Viktar Macur (va ŭzrostavaj katehoryi da 60 hadoŭ).
23 krasavika «SB. Biełaruś Siehodnia» paviedamiła, što na turniry «Tyhravy praryŭ» byli ŭstalavanyja «suśvietnyja rekordy» ŭ biełaruskim žymie. Ich ustalavali tyja ž samyja Viktar Macur i Viačasłaŭ Charaneka, jakija i prydumali praktykavańnie.
Viačasłaŭ Charanieka. Skryn siužeta STB.
Charaneka śćviardžaje, što biełaruski žym aficyjna pryznany «aŭtarytetnaj mižnarodnaj fiederacyjaj paŭerliftynhu» — NAP. Ale heta nacyjanalnaja asacyjacyja paŭerliftynhu Rasii, jakaja nie maje nijakaha dačynieńnia da mižnarodnaj fiederacyi paŭerliftynhu.
Varta adznačyć, što 19 sakavika «suśvietny rekord» u ekstremalnym padjomie štanhi na biceps pastaviŭ Siarhiej Zasłaŭski. Historyju hetaha šmatrazova sudzimaha čałavieka, jaki vydavaŭ siabie za vieterana śpiecnaza, my šyroka aśviatlali.
