Fota: BiełTA
Alaksandr Łukašenka adznačyŭ, što stvorany rabatyzavany kompleks, jaki spałučaje ŭ sabie jak srodki vyjaŭleńnia, tak i srodki ahniavoha paražeńnia pavietranych celaŭ, piša BiełTA. Na zaviaršalnym etapie znachodzicca raspracoŭka zienitnaha rakietnaha kompleksu siaredniaj dalokaści i zienitnaja kiravanaja rakieta da hetaha kompleksu.
«Spadziajusia, što ŭ hetym hodzie premjer-ministr i kiraŭnik VPK nas paradujuć u hetym płanie», — skazaŭ jon.
U minułym hodzie ajčynnyja vytvorcy pastavili Uzbrojenym siłam Biełarusi bolš za 500 adzinak novych uzoraŭ uzbrajeńnia i vajskovaj techniki. Siarod ich — madernizavanaja reaktyŭnaja sistema załpavaha ahniu «Urahan-M», a taksama dva typy ŭdarnych bieśpiłotnikaŭ.
Rasija pastaviła Łukašenku apieratyŭna-taktyčny rakietny kompleks «Iskander» ź nieabchodnym zapasam rakiet, bojeprypasaŭ. Taksama pieradadzieny zienitny rakietny kompleks vialikaj dalokaści S-400.
«Buduć pastaŭleny samaloty Su-Z0SM, viertaloty Mi-35M, bronietransparciory, a taksama inšaje ŭzbrajeńnie, rakiety i bojeprypasy», — zajaviŭ Łukašenka.
«Razam z Rasijaj my možam vyrablać lubyja typy ŭzbrajeńniaŭ!» — pachvaliŭsia jon.
