Maksimalny pamier padatku, 55,5 rubla, pryjdziecca płacić tym haspadaram, jakija ŭtrymlivajuć sabaku patencyjna niebiaśpiečnaj parody. Jakija sabaki da takich adnosiacca, možna daviedacca ŭ adpaviednym pieraliku.
Praŭda, dla žycharoŭ stalicy miascovyja Saviety deputataŭ vyrašyli pamienšyć staŭku padatku: minčukam treba budzie vypłačvać za tyja samyja patencyjna niebiaśpiečnyja parody tolki 37 rubloŭ.
U vypadku, kali sabačaj parody ŭ śpisie niebiaśpiečnych niama, suma padatku na haspadaroŭ budzie ŭ piać razoŭ mienšaja — 11,1 rubla.
Ličyć padatak pa-novamu buduć z 1 krasavika 2023 hoda.
Hety padatak vypłačvajecca raz na kvartał. Za I kvartał padatak nieabchodna apłacić da 27 krasavika, za II kvartał — da 27 lipienia, za III — da 27 kastryčnika i za IV — da 27 studzienia.
Ad vypłaty padatku vyzvalajucca ŭładalniki sabak, kali ščaniuk małodšy za try miesiacy, i invalidy, dla jakich utrymańnie sabaki-pavadyra — žyćciovaja nieabchodnaść. Akramia taho, padatak nie płaciać uładalniki, jakija žyvuć u pryvatnych damach, pry ŭmovie ŭtrymańnia imi nie bolš za adnu žyviołu.
