Fota: Gerd Altmann, pixabay
Karparacyja Microsoft 14 lutaha vypuściła abnaŭleńnie, jakoje zakryvaje dostup da suśvietna viadomaha internet-braŭziera Internet Explorer. Pra hetyja płany karparacyja zajaviła jašče ŭ minułym hodzie, kali aficyjna admoviłasia ad vykarystańnia hetaha braŭziera na karyść novaha Microsoft Edge.
Internet Explorer budzie adklučany ŭ bolšaści viersij Windows (asabliva ŭ dziasiataj) praz abnaŭleńnie dla braŭziera Microsoft Edge.
«Abnaŭleńnie Microsoft Edge budzie adnačasova dastupnaje dla ŭsich pryład: jak kamiercyjnych, tak i asabistych. Karystalniki nie zmohuć abnaŭleńnie admianić. Akramia taho, pieranakiravańnie z Internet Explorer na Microsoft Edge budzie ŭklučana va ŭsie budučyja abnaŭleńni dla braŭziera Microsoft Edge», — paviedamiła karparacyja.
Adnak sama technałohija MSHTML, na jakoj funkcyjanavaŭ Internet Explorer, praciahnie pracavać minimum da 2029 hoda, bo na joj zasnavana dziejnaść apošniaj Windows-11 i bieź jaje niemahčyma praca Microsoft Edge.
Internet Explorer — adzin z samych viadomych u śviecie internet-braŭzieraŭ, jaki byŭ stvorany jašče ŭ 1995 hodzie. Jon byŭ asnoŭnym braŭzieram Microsoft da viersii Windows-10, dzie jamu na źmienu pryjšoŭ užo novy Microsoft Edge.
Čytajcie jašče:
Microsoft pakazaŭ novy pošukavik. Choča źmianić naša ŭjaŭleńnie pra internet
Google raskazaŭ pra 12 niebiaśpiečnych prahram dla Android. Voś čamu ich treba vydalić zaraz ža
Razumnaja bytavaja technika moža pierastać pracavać užo praz dva hady
