FK «Minaj»
Jak raspavioŭ žurnalist Siarhiej Biebiech, bytavaja situacyja pryviała da kanfliktu. «Adzin z ukrainskich futbalistaŭ zrabiŭ zaŭvahu rasijaninu, jaki niekarektna pavodziŭ siabie ŭ dačynieńni da piersanału hatela. Rasijanin byŭ napadpitku i adkryta chamiŭ. Jon nie staŭ prasić prabačeńnia i prosta ŭdaryŭ futbalista «Minaja».
Zatym rasijanin pryvioŭ adnakłubnikaŭ raźbiracca da pradstaŭnikoŭ «Minaja». I hetaja razmova znoŭ ža pryviała da bojki.
Adnak telehram-kanał BAZA, paviedamiŭ, što niekalki pradstaŭnikoŭ «Minaja» padyšli da načalnika jarasłaŭskaha «Šyńnika» stali patrabavać ad jaho praśpiavać ukrainski himn. Toj prapanavaŭ ukraincam vyjści na vulicu i «razabracca» sam-nasam. Adnak u kanflikt umiašalisia supracoŭniki hatela i jaho ŭdałosia pahasić.
Praź niekatory čas niekalki hulcoŭ kkrainskaha kłuba apynulisia ŭ adnym lifcie z futbalistam «Šyńnika» i źbili jaho. Praŭda, kali lift pryjechaŭ na pavierch, tam stajała hrupa jarasłaŭskich futbalistaŭ, i pamiž rasijskimi i ukrainskimi hulcami raspačałasia masavaja bojka. U hatel daviałosia vyklikać supracoŭnikaŭ palicyi i chutkuju dapamohu.
Hienieralny dyrektar «Šyńnika» Siarhiej Kułakoŭ taksama paskardziŭsia, što kiraŭnictva hatela pasialiła razam ukraincaŭ i rasijan.
«U kłubie (FK «Šyńnik») nie viedali, što ŭkrainskaja kamanda budzie pražyvać u haścinicy. My braniravali hatel jašče ŭ listapadzie, u nas była pazicyja, kab u hateli nie pražyvali ŭkrainskija futbalisty, kab paźbiehnuć kanfliktaŭ. Na toj momant nikoha tam nie było, čamu ŭ haścinicy źjaviłasia ŭkrainskaja kamanda — pytańnie da haścinicy», — skazaŭ Kułakoŭ.
U FK «Minaj» pakul nie zmahli paćvierdzić UP fakt sutyčki. Na aficyjnaj staroncy taksama niama nijakaj infarmacyi adnosna incydentu.
