Fota ilustracyjnaje
«Členy Staŭki nadali ŭvahu situacyi ŭ Biełarusi. Była zasłuchana infarmacyja pra aktualnuju kolkaść i ŭzbrajeńnie varožych vajskovych hrupovak. Kamandujučyja adznačyli hatoŭnaść siłaŭ abarony reahavać na luboje raźvićcio padziej», — adznačajecca ŭ pres-relizie Ofisa prezidenta Ukrainy.
U pasiadžeńni pryniali ŭdzieł kiraŭnik Ofisa prezidenta Andrej Jarmak, sakratar RNBA Alaksiej Daniłaŭ, ministr abarony Alaksiej Reźnikaŭ, hałoŭnakamandujučy ZSU Valeryj Załužny, načalnik HUR Kiryła Budanaŭ, staršynia SBU Alaksandr Litvinienka, kamandujučy Suchaputnymi vojskami ZSU Alaksandr Syrski i kamandujučyja vojskami apieratyŭnych kirunkaŭ.
Da narady taksama dałučylisia kiraŭniki MUS i MZS, ministr infrastruktury, a taksama inšyja členy ŭrada, kiraŭniki siłavych viedamstvaŭ i pravaachoŭnych orhanaŭ.
Pasiadžeńnie Staŭki adbyłosia napiaredadni sustrečy Uładzimira Pucina i Alaksandra Łukašenki, jakaja projdzie 19 śniežnia ŭ Minsku. Heta budzie pieršy z 2019 hoda vizit Pucina ŭ Biełaruś.
