Pavodle infarmacyi krynic vydańnia, pryčyna ŭciokaŭ moža być źviazanaja z kryminalnym pieraśledam žonki Pachołka.
Pracujučy śpiecyjalistam inžynierna-aeradromnaj słužby vajskovaj čaści № 65408, dzie bazavałasia rasijskaja avijatechnika, jana była zatrymanaja za pieradaču danych siastry, žycharcy ZŠA.
Pra toje, što ŭ himnaziju bolš nie vierniecca, napisaŭ adnakłaśnikam małodšy syn Pachołkaŭ.
Na fejsbuku Siarhiej Pachołak spyniŭ svaju aktyŭnaść u kastryčniku.
U 2020 hodzie, paśla adnoj publikacyi na «Miedyja-Paleśsie», jakaja nie spadabałasia Pachołaku, jon pahražaŭ redaktaru zakryćciom partała, jaho žonka vykazvała svoj hnieŭ u kamientarach u sacsietkach.
Jak raspaviała «Lusterku» krynica ŭ Łunincy, niezadoŭha da adjezdu śledčy padoŭžyŭ kantrakt na słužbie, za što atrymaŭ hrašovuju kampiensacyju. Paśla taho jak na jaho žonku zaviali kryminalnuju spravu, jon napisaŭ rapart ab zvalnieńni pa stanie zdaroŭja, adnak źjechaŭ, tak i nie dačakaŭšy rašeńnia. Sama zatrymanaja žančyna nibyta znachodziłasia ŭ minskaj balnicy, ale, była biez achovy, tamu zmahła źbiehčy adtul.
U kvatery Pachołaka praviali pieratrus, sam jon zaraz znachodzicca ŭ Amierycy, dadała krynica.
