Uviečary 27 listapada sajt biełaruskaha McDonald's staŭ pieranakiroŭvać karystalnikaŭ na novy adras — ksbv.by. Heta abrevijatura «KSB Viktary» — frančajzi amierykanskaj sietki ŭ Biełarusi.
Na sajcie jość abnoŭlenaje mieniu, zatoje niama nijakich łahatypaŭ.
Naprykład, u mieniu na novym sajcie, hetak ža jak i ŭ rasijskaha brenda «Vkusno — i točka», niama «Bih Maka», «MakČykien Premjer» straciŭ prystaŭku «Mak», a «File-a-fiš» ciapier nazyvajecca «Fiš Burhier». Zatoje ŭ raździele «Śniadanki» zastalisia mafiny, ale ŭ ich nazvach taksama niama prystaŭki «Mak», taksama ŭ mieniu zachavałasia i Coca-Cola — u rasijskaj «Vkusno i točka» hetaha napoju niama.
Dziŭna, ale na novym sajcie naohuł niama nijakich łahatypaŭ, vonkava sajt taki ž, jak i byŭ raniej u McDonald's u Biełarusi.
