Ciapier siarod «asob, jakija majuć dačynieńnie da terarystyčnaj dziejnaści», — palitviaźni Dzianis Maksimaŭ, Ściapan Tałkačoŭ, Ivan Suprunčyk, Pavieł Hančaryk, Siarhiej Fisiuk, a taksama Ihar Chrystaforaŭ i Andrej Bykaŭ, piša «Novy čas».
Viaźniaŭ sudzili za raspalvańnie varožaści ci varažniečy, niekatorym dadavali artykuły pra niezakonny zbor i raspaŭsiud źviestak ab pryvatnym žyćci, pra abrazu biełaruskaha kiraŭnika ci abrazu pradstaŭnika ŭłady Respubliki Biełaruś.
U śpis dadali palitźniavolenuju Volhu Cybulskuju — pryčym druhi raz. Jaje ŭnieśli ŭ terarystyčny śpis jašče 15 vieraśnia, a ciapier prosta pradublavali jašče raz. Volhu asudzili da 2,5 hadoŭ źniavoleńnia ŭ kałonii pavodle artykułaŭ za abrazu pradstaŭnika ŭłady i raspalvańnie varožaści ci varažniečy.
