«Hramadska-palityčnaja abstanoŭka ŭ Biełarusi ŭ ciapierašni čas stabilnaja. U krainie paradak i biaśpieka. Ale siońnia my fiksujem narastańnie źniešniaj pahrozy interviencyi z terytoryi Litvy, Łatvii, Polščy i Ukrainy. Źbiehłyja ŭžo nie bačać mahčymaści tak zvanych mirnych pieramienaŭ i aktyŭna raspracoŭvajuć scenar siłavoj źmieny kanstytucyjnaha ładu. Palitemihranckija centry praciahvajuć dziejnaść pa raźvićci svajho tak zvanaha palityčnaha prajekta — abjadnanaha pierachodnaha kabinieta — i zabieśpiačeńnia jaho pryznańnia i finansavańnia Zachadam u jakaści ŭrada ŭ vyhnańni. Meta tut adna: pazbaŭleńnie lehitymnaści dziejučaj ułady i apraŭdańnie teraktaŭ i dyviersij», — śćviardžaje Cierabaŭ.
Cierabaŭ miarkuje, što zimoj praciŭniki dyktatarskaha režymu majuć namier pačać razhojdvańnie studenckaha i vykładčyckaha asiarodździa «šlacham ukidaŭ infarmacyi ab nieabhruntavanym uźniaćci koštu navučańnia, nizkim uzroŭni adukacyi».
Cierabaŭ śćviardžaje, što nastupny zachod budzie ŭ studzieni 2023 hoda. Pa jaho słovach, «z pytańniem cenaŭtvareńnia ŭ ich ničoha nie atrymałasia, tamu jany buduć nakačvać temu padatkaabkładańnia».