Fota: Gov.ua
«Ja pierakanany, što ciapier nastaŭ čas, kali rasijskaja razburalnaja vajna pavinna i moža być spynienaja. Heta vyratuje tysiačy žyćciaŭ», — zajaviŭ Zialenski ŭ svaim videazvarocie.
Jon źviarnuŭsia da takich lidaraŭ, jak prezident ZŠA Džo Bajden, kitajski lidar Si Czińpin, ale pry hetym daŭ zrazumieć, što jaho zvarot nie adnosicca da Rasii.
«Nijakich apraŭdańniaŭ jadziernamu šantažu być nie moža», — dadaŭ jon, asabliva padziakavaŭšy za tłumačeńnie hetaj pazicyi «hrupie 19», padkreślena vyklučyŭšy Rasiju.
Zialenski zajaviŭ, što vajna pavinna być skončana «spraviadliva i na asnovie Statuta AAN i mižnarodnaha prava».
Jon zaklikaŭ adnavić radyjacyjnuju biaśpieku na Zaparožskaj AES i ŭvieści abmiežavańnie cen na rasijskija enierhanośbity.
Zialenski padkreśliŭ, što dla zaviaršeńnia vajny Rasija pavinna vyvieści svaje vojski, vypłacić kampiensacyju za škodu, jakuju naniesła Ukrainie, i paćvierdzić jaje terytaryjalnuju cełasnaść.
Prezident taksama zaklikaŭ pravieści mižnarodnuju kanfierencyju dla «ŭmacavańnia klučavoha elemientu paślavajennaj architektury biaśpieki», kab praduchilić paŭtareńnie ahresii z boku Rasii.
Ukrainski prezident taksama zaklikaŭ da vyzvaleńnia ŭsich ukrainskich vajennapałonnych.
Adnoj z hałoŭnych jaho prośbaŭ było pradaŭžeńnie pahadnieńnia pa ŭkrainskim zbožžy, zaklučanym u lipieni pamiž AAN i Rasijaj.
Jano zabiaśpiečyła mahčymaść vyvazu praduktaŭ charčavańnia, zabłakavanaha va ŭkrainskich partach rasijskimi vajskovymi karablami. AAN zajaŭlaje, što z momantu zaklučeńnia pahadnieńnia było paśpiachova ekspartavana 10 młn ton ukrainskaha zbožža i inšych sielhaspraduktaŭ, što dapamahło praduchilić hłabalny charčovy kryzis.
Termin dziejańnia pahadnieńnia zakančvajecca 19 listapada. Zialenski skazaŭ, što damoŭlenaść pavinna być pradoŭžana na niavyznačany termin, niezaležna ad taho, kali skončycca vajna. «Prava na charčavańnie — fundamientalnaje prava kožnaha čałavieka ŭ śviecie», — skazaŭ jon, prapanavaŭšy raspaŭsiudzić pahadnieńnie na inšyja party Mikałajeŭskaj vobłaści.
