Pierš čym pierajści da zimovych śviataŭ, raspaviadziem pra najbližejšyja doŭhija vychodnyja — jany praciahnucca z 5 pa 7 listapada, bo apošniaja data — dziaržaŭnaje śviata i vypadaje na paniadziełak.
Katalickaje Rastvo, 25 śniežnia, budzie ŭ niadzielu, tamu dadatkovaha adpačynku sioleta nie pradbačycca.
Navahodnija śviaty taksama vypadajuć na nie samyja ŭdałyja dni. 31 śniežnia — na subotu, 1 studzienia — na niadzielu. Ale ž kolki hod tamu ŭ Biełarusi aficyjna zamacavali jak vychodny i 2 studzienia, tamu adyści ad Novaha hoda možna budzie jašče i ŭ paniadziełak.
Pravasłaŭnaje Rastvo, 7 studzienia, — heta taksama subota. 8 sakavika trapić na sieradu i, imavierna, heta budzie adzin vychodny siarod tydnia.
Radaŭnica ŭ nastupnym hodzie — 25 krasavika. Tamu, zhodna z tradycyjaj, biełarusaŭ dakładna čakaje adpačynak u niadzielu 23-ha, paniadziełak 24-ha i aŭtorak 25-ha. Ale ž u jakuju subotu my budziem adpracoŭvać paniadziełak, pakul nieviadoma: 22 krasavika ci praz tydzień. Ad hetaha budzie zaležać, adpačynak praciahniecca try ci čatyry dni.
A tam nieŭzabavie i majskija. 1 maja vypadzie na paniadziełak, 9-ha — na aŭtorak. Chutčej za ŭsio, 8 maja budziem taksama adpačyvać, ale ž paŭstaje toje ž pytańnie, što i z Radaŭnicaj: na jakuju subotu pieraniasuć paniadzielničnuju pracu.
3 lipienia, aficyjny Dzień Niezaležnaści, budzie ŭ paniadziełak. 7 listapada praz hod budzie ŭ aŭtorak (i znoŭ mohuć atrymacca doŭhija vychodnyja za košt pieranosu paniadziełka).
Katalickaje Rastvo ŭ 2023 hodzie budzie adznačacca ŭ paniadziełak, što daść mahčymaść pahulać try dni. A navahodnija śviaty z 2023 na 2024 hod uvohule raściahnucca na čatyry dni, bo 1 studzienia budzie ŭ paniadziełak, a 2-ha taksama aficyjny vychodny.
niechta moža dumać pra Novy hod?