Pryhožyn zajaviŭ, što ciapier «nieabchodnaja kansalidacyja hramadstva», i, pavodle jaho, ludzi, jakija hadami havaryli z trybun, «pavinny pačać niešta rabić».
«Dzie hetyja zhurtavanyja kamunisty z KPRF, dzie ŁDPR, jakaja, zastaŭšysia biez Žyrynoŭskaha, usie my bačym, pieratvaryłasia ŭ «kłaŭnadu»? Ja ŭžo nie kažu pra partyju «Rodina», jakuju ja ŭ svoj čas zduru padtrymaŭ, spadziejučysia vychavać ź ich sapraŭdnych patryjotaŭ», — zajaviŭ jon.
«Tamu spadaroŭ «havarunoŭ» zaklikaju sabracca ŭ kuču i ŭznačalić padraździaleńni typu «PVK Vahniera». A tym, chto nie maje arhanizatarskich zdolnaściej, uziacca za aŭtamaty ci chacia b sapiornyja łapatki. Voś sapraŭdnaja karyść. Voś sapraŭdnaje słužeńnie Ajčynie», — vykazaŭ svajo mierkavańnie Pryhožyn.
Jaŭhien Pryhožyn raniej pryznaŭ, što źjaŭlajecca stvaralnikam «PVK Vahniera» — rasijskaha nieaficyjnaha vajennaha padraździaleńnia. Jaho najmity ciapier vajujuć va Ukrainie.
Dla ŭdziełu ŭ vajnie va Ukrainie «PVK Vahniera» i asabista Pryhožyn viarbujuć u tym liku zekaŭ.
U Rasii ciapier idzie «častkovaja» mabilizacyja, ale deputaty abaronienyja ad jaje.
