Zatrymanaja Śviatłana Cimafiejeva — błohierka, piša ABC News. Pavodle jaje słoŭ, jana robić fota i videa dla publikacyi ŭ sacyjalnych sietkach. Ciapier dziaŭčyna i zatrymany ź joj 23-hadovy Michaił Zoryn znachodziacca pad śledstvam pa padazreńni ŭ špijanažy. Pra heta paviedamiŭ ministr abarony Ałbanii Nika Pialešy.
Śviatłana viadomaja ŭ Instagram pad nikam Lana Sator, na jaje padpisanyja 253000 karystalnikaŭ. Jana nazyvaje siabie fatohrafam, jaki zdymaje spadčynu XX stahodździa i zakinutyja budynki.
Ale, miarkujučy pa ŭsim, heta nie pieršy raz, kali 33-hadovuju rasijanku abvinavačvajuć u špijanažy. U paviedamleńni, zroblenym hod tamu, jana zaznačyła, što jaje błoh nie spansujecca zamiežnaj vyviedkaj. Pa słovach Śviatłany, hetaj pracaj jana zajmajecca 15 hadoŭ.
Pry zatrymańni padazronych ludziej kala vajskovaha zavoda byli paranienyja dva achoŭniki.
Sam zavod, pa słovach kiraŭnika Minabarony krainy Nika Pialešy, zakansiervavany, tam nie vyrablajuć zbroju z 1992 hoda.
