Zhodna z zakonaprajektam, vydača paŭtornych dazvołaŭ na žycharstva (DNŽ) hramadzianam Rasii i Biełarusi budzie spynienaja da 30 červienia 2023 hoda. Tym nie mienš, MUS prapanuje pašyryć śpis vyklučeńniaŭ dla praciahnieńnia DNŽ. U śpis trapili:
asoby, jakija znachodziacca ŭ Łatvii na praciahu doŭhaha času (naprykład, byłyja hramadzianie i niehramadzianie Łatvii);
asoby, jakija znachodziacca ŭ Łatvii pa mierkavańniach humannaści abo ŭ intaresach łatvijskaj dziaržavy;
asoby, jakija majuć ciesnyja siamiejnyja suviazi z hramadzianami abo niehramadzianami Łatvii (u tym liku, udovy i ŭdaŭcy, abo tyja, chto maje ahulnych dziaciej).
Va ŭsich hetych vypadkach hramadzianie Rasii i Biełarusi mohuć atrymać status pastajannaha žychara ES. Kali jany nie ŭ stanie paćvierdzić patrabavany ŭzrovień vałodańnia łatyšskaj movaj (A2), to status moža być praciahnuty maksimum na adzin hod.
DNŽ moža być praciahnuty nie bolš čym na hod, kali znachodžańnie ŭ Łatvii źviazanaje z zaniataściu ŭ ramkach pravavych aktaŭ ES (u pryvatnaści, «siniaj kartaj»), a taksama ŭ vypadku, kali znachodžańnie ŭ Łatvii źviazanaje z vučobaj abo ŭdziełam u navukovym prajekcie.
Akramia taho, DNŽ moža być praciahnuty:
na pieryjad, na praciahu jakoha inšaziemiec atrymaŭ alternatyŭny status abo jamu pradastaŭlenaja časovaja abarona;
na pieryjad, na praciahu jakoha inšaziemiec atrymaŭ status apiekuna dla hramadzianina abo niehramadzianina Łatvii;
da taho momantu, kali ŭstupić u siłu rašeńnie suda ab razvodzie i vyznačeńni miesca žycharstva dziciaci (ale nie bolš za hod, kali ŭ šlubie jość dzicia, jakoje źjaŭlajecca hramadzianinam abo niehramadzianinam Łatvii);
na termin nie bolš piaci hadoŭ, kali ŭ zamiežnika jość vydadzieny inšaj dziaržavaj ES časovy dazvoł na znachodžańnie;
na dzieviać miesiacaŭ — dla studentaŭ i navukovych rabotnikaŭ, jakija paśla vučoby abo zaviaršeńnia navukovaha prajekta chočuć zastacca ŭ Łatvii na termin da dzieviaci miesiacaŭ, kab znajści pracu abo pačać pradprymalnickuju dziejnaść.
MUS prapanuje taksama prypynić vydaču doŭhaterminovych viz da 30 červienia 2023 hoda. Tut taksama «praduhledžanyja vyklučeńni, źviazanyja ź mierkavańniami humannaści, niepieraadolnaj siłaj, dziaržaŭnymi intaresami, mižnarodnymi abaviazacielstvami i zachavańniem narmatyŭnych aktaŭ ES».
Vizy buduć vydavacca mižnarodnym hruzavym i pasažyrskim pieravozčykam, a taksama asobam, jakim patrabujecca ŭjechać u Łatviju dla atrymańnia dazvołu na znachodžańnie, kali jany nie traplajuć pad abmiežavańni.
MUS pryznaje, što ŭ vypadku pryniaćcia papravak u pracadaŭcaŭ mohuć uźniknuć ciažkaści z rabotnikami z Rasii i Biełarusi: častka ź ich nie zmoža znachodzicca ŭ Łatvii, i pracoŭnyja stasunki daviadziecca pierapynić.
Zhodna z zakonaprajektam, hramadzianie i niehramadzianie Łatvii, jakija prymuć hramadzianstva inšaj krainy i vyrašać zastacca na terytoryi krainy, pavinny buduć atrymać status pastajannaha žychara ES. Dla hetaha im pryjdziecca paćvierdzić nieabchodny ŭzrovień dachodu i ŭzrovień vałodańnia dziaržaŭnaj movaj.
Pa danych MUS Łatvii, na 1 lipienia 2022 hoda ŭ łatvijskich kampanijach było 2180 rabotnikaŭ z Rasii i Biełarusi z dazvołami na žycharstva. Akramia taho, u kamiercyjnym rehistry mielisia zapisy ab 144 słužbovych asobach. Jašče 22 čałavieki atrymali DNŽ u suviazi ź inviestycyjami ŭ kapitał kamiercyjnych tavarystvaŭ. Pa situacyi na 1 žniŭnia, 2099 hramadzian Rasii i Biełarusi znachodzilisia ŭ Łatvii na padstavie viz u suviazi z pracaj.
Ciapier papraŭki adpraŭlenyja na ŭzhadnieńnie ŭ Ministerstvy finansaŭ, unutranych spraŭ, ekanomiki, dabrabytu i justycyi. Termin uzhadnieńnia — pačatak nastupnaha tydnia. Zatym papraŭki razhledziać urad i Sojm.
