«Darahi Siarhiej. Heta treci tvoj dzień naradžeńnia, kali my nie možam pavinšavać i abniać ciabie asabista. Ale jak by chto ni staraŭsia, im nie adabrać u ciabie nas — tvaju siamju, nie adabrać luboŭ Ahnii i Karnieja — ty ž bačyš ich malunki i listy. Nie adniać u Ciabie i padtrymku ludziej, jakija štodnia ŭžo bolš 800 dzion pišuć i pytajucca, jak ty. Biełarusy viedajuć, što ty — hieroj, naš hieroj. I što my pavinny praciahvać spravu, jakuju pačaŭ ty.
I dva hady tamu, i ciapier ja rablu ŭsio, što mahu — u pieršuju čarhu, kab viarnuć nam dom. A moj dom, Siarhiej, — heta ty».
Siarhiej Cichanoŭski byŭ zatrymany 29 maja 2020 hoda ŭ Hrodnie. U śniežni 2021 hoda jon byŭ asudžany na 18 hadoŭ źniavoleńnia.
