Fota: Mocnyja naviny
Vypadak adbyŭsia ŭ čatyry ranicy 7 žniŭnia ŭ KSUP «Dabryń», piša «Homielskaja praŭda».
Kambajny pakinuli na noč u poli: nie pavieźli na miechdvor, chutčej za ŭsio, kab zekanomić paliva. Vartavać ich daručyli 20-hadovamu palavomu, toj paklikaŭ z saboj svajho 14-hadovaha brata. Jany zastalisia na noč u kambajnach, jakija nie byli začynienyja.
Pad ranicu padletak vyrašyŭ prakacicca: zavioŭ mašynu, pajechaŭ zadnim chodam i sutyknuŭsia z kambajnam, dzie znachodziŭsia starejšy brat. U vyniku paškodzili žniajarki. Taksama začapiła treci kambajn.
Tłumačačy zdareńnie kiraŭnictvu, chłopcy prydumali historyju, što va ŭsim vinavatyja palaŭničyja: maŭlaŭ, kambajny im pieraškadžali, jany ž vyrašyli pierahnać techniku ŭ inšaje miesca. Adnak paźniej supracoŭniki milicyi stali raźbiracca i praŭda vyjaviłasia.
