«Ni adna ź dziejnych struktur nie vałodaje dastatkovymi resursami i mahčymaściu, kab dasiahnuć metaŭ demakratyčnaha pieraŭtvareńnia ŭ našaj krainie», — miarkuje kiranik Nacyjanalnaha antykryzisnaha ŭpraŭleńnia Pavieł Łatuška.

«Nam nieabchodna abjadnać usie siły, kab stvaryć ahulnuju, adzinuju vykanaŭčuju strukturu ŭłady. Strukturu, jakaja aficyjna voźmie na siabie abaviazki pierad biełaruskim narodam vyzvalić i pryvieści Biełaruś da demakratyčnych pieramienaŭ. Strukturu, jakaja prymie na siabie adkaznaść za efiektyŭnaje ŭpraŭleńnie resursami, jakija ŭ nas jość, dla dasiahnieńnia mety. Dla ŭzhodnienaj, padspravazdačnaj i sistemnaj pracy. Sistemu moža pieramahčy tolki sistema».

Treba stvaryć adzinuju vykanaŭčuju strukturu ŭłady, upeŭnieny Łatuška.

«Stvareńnie pierachodnaha kabinieta jak pierachodnaha ŭrada moža stać klučavym faktaram dla zachavańnia i abarony suvierenitetu i dziaržaŭnaści Respubliki Biełaruś».

Łatuška ličyć, što biez takoha kabinieta niemahčyma zabiaśpiečyć kiravańnie krainaj u tranzitny pieryjad i nacyjanalna-vyzvolny ruch.

Asnoŭnymi pryjarytetami dla kabmina jon nazyvaje try — zachavańnie suvierenitetu, stabilnaje kiravańnie krainaj u tranzitny pieryjad i nacyjanalna vyzvalenčy ruch. Kandydytury členaŭ kabinietu pavinny być uniesieny ŭ pradstaŭničy orhan biełaruskaha hramadstva, jaki varta stvaryć u bližejšy čas, ličyć Łatuška.

Taksama jon dadaje, što pavinny być zaviedzieny kryminalnyja spravy na Łukašenku, a jaho režym pryznany terarystyčnym.

«Prahułki pa vulicach nie dali nijakich vynikaŭ, — kaža padpałkoŭnik Alaksandr Azaraŭ, kiraŭnik «Bajpoła». — «Bajpoł» ličyć, što sistemu pieramoža tolki sistema, i jaje treba stvaryć. Treba stvaryć kabiniet — faktyčna ŭrad u vyhnańni».

Azaraŭ dadaŭ, što nie bačyć inšaha šlachu vyzvaleńnia, aproč siłavoha.

«My pasprabavali ŭsie mietady na praciahu dvuch hadoŭ. Ale siłavy mietad pavinien pracavać u sukupnaści z tymi mietadami, jakija ŭžyvalisia raniej».

«Jość try hrupy ludziej». Azaraŭ raskryŭ niekatoryja detali płana «Pieramoha»

Prakopjeŭ spadziajecca na vyzvaleńnie Biełarusi ŭkrainskaj armijaj

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?