1️. Chłuśnia adnosna kolkaści achviar. Arhanizatary zajaŭlajuć, što ad ruk USU za 8 hadoŭ zahinuli bolš za 20 tys. mirnych žycharoŭ. Heta nie tak. Pa źviestkach AAN, na 31 śniežnia 2021 hoda achviarami kanfliktu va Ukrainie stali ad 14,2 da 14,4 tys. čałaviek (ź ich tolki 3,4 tys. — mirnyja ludzi). Bolšaść achviar — uzbrojenyja sieparatysty.
2️. Chłuśnia pra hienacyd. Na vystavie jość stend «Hienacyd». Adnak hety termin abviarhaje AAN. Zhodna z Kanviencyjaj, hienacyd vyznačajecca jak dziejańni, skiravanyja na źniščeńnie nacyjanalnaj, etničnaj, rasavaj hrupy. U Danieckaj i Łuhanskaj abłaściach pracujuć kala 600 naziralnikaŭ z 40 krain, u tym liku z Rasii. Za vosiem hadoŭ jany nie znajšli dokazaŭ hienacydu.
3. «Padziaki» ad žycharoŭ Danbasa. Na vystavie pryvodziacca słovy nibyta miascovych žycharoŭ, jakija dziakujuć Rasii za «vyzvaleńnie». Naprykład, tak: «Kali b nie Rasija, chadzili b hałodnymi, dzieci našy hałodnyja, vady navat nie mahli ŭziać». Adnak hetyja «cytaty» niemahčyma znajści ni ŭ pašukavikach, ni ŭ sacsietkach.
4. «Adradžeńnie nacyzmu». Na vystavie śćviardžajecca, što va Ukrainie stali źjaŭlacca pomniki Ramanu Šuchieviču. Na samaj spravie pieršy biust kiraŭniku AUN UPA byŭ adkryty jašče ŭ 2012 hodzie — kali Ukrainu ŭznačalvaŭ Viktar Janukovič. Usiaho takich pomnikaŭ — čatyry na ŭsiu krainu.
5. Zabityja dzieci. Arhanizatary pišuć pra «bolš za 100 zahinułych dziaciej» za čas bajavych dziejańniaŭ. U toj ža čas z pačatku vajny ŭ krainie zahinuli 358 dziaciej, 681 dzicia atrymała ranieńni roznaj stupieni ciažkaści.
