Fota: Słužba dziaržaŭnaj biaśpieki Łatvii
Mužčyna byŭ zatrymany 15 lutaha supracoŭnikami Słužby dziaržaŭnaj biaśpieki i vajskovaj kontrraźviedki. Jak paviedamili ŭ pres-słužbie SDB, u chodzie rasśledavańnia ŭstanoŭlena, što zatrymany pa daručeńni biełaruskaj vajskovaj raźviedki vioŭ zdymku łatvijskich abaronnych abjektaŭ, abjektaŭ krytyčnaj infrastruktury, u tym liku elektrazabieśpiačeńnia.
Biełarus, pavodle infarmacyi śledčych, paśpieŭ atrymać infarmacyju jak minimum pa 17 abjektach.
«Pa acency SDB, infarmacyja takoha charaktaru moža być karysnaja Biełarusi, a taksama jaje sajuźnicy Rasii, u vypadku mahčymaha vajennaha kanfliktu z NATA, u tym liku z Łatvijaj, dla płanavańnia dyviersij abo napadaŭ na vajskovyja abjekty i krytyčnuju infrastrukturu krainy.
Takim čynam, infarmacyja, atrymanaja asobaj niezakonnym šlacham i pieradadzienaja słužbie vajskovaj raźviedki Biełarusi, patencyjna moža nanieści istotnuju škodu zabieśpiačeńniu asnoŭnych funkcyj łatvijskaj dziaržavy i abaranazdolnaści va ŭmovach vajennaha kanfliktu», — havorycca ŭ pres-relizie.
