Sudździa Volha Dubovik pryznała jaho vinavatym pavodle art. 369 Kryminalnaha kodeksa («Abraza pradstaŭnika ŭłady»). U sudovych sprečkach abaronca palitviaźnia prasiŭ abmiežavacca aryštam, a prakurorka Julija Žuk, jakaja pradstaŭlała bok dziaržabvinavačańnia, — pryznačyć Kazakieviču dva hady «chatniaj chimii», paviedamlaje «Viasna».
Paciarpiełymi pa spravie byli pryznanyja try čałavieki. U bok načalnika Śledčaha kamiteta Ivana Naskieviča Alaksandr Kazakievič pakinuŭ kamientaryj 19 lutaha 2021 hoda ŭ telehram-kanale «Łuchtavikinh». Jašče dva kamientaryi palitviazień napisaŭ u sakaviku 2021 hoda ŭ telehram-kanale «Maładziečna dla žyćcia». Abodva paciarpiełyja — načalnik kamisii pa spravach niepaŭnaletnich Alaksiej Posach i opierupaŭnavažany pa baraćbie z ekanamičnymi złačynstvami Siarhiej Bielačeŭski — zaprasili pa 2000 rubloŭ kampiensacyi maralnaj škody.
Traich paciarpiełych pa spravie dapytali 5 lipienia padčas pieršaha pasiadžeńnia ŭ sudzie. Potym razhlad spravy pieranieśli na 18 lipienia, kali adbylisia sprečki bakoŭ. Prysud byŭ vyniesieny 19 lipienia: sudździa Volha Dubovik pryznačyła Kazakieviču paŭtara hoda abmiežavańnia voli biez nakiravańnia ŭ papraŭčuju ŭstanovu adkrytaha typu. Taksama abvinavačany musić vypłacić 2000 rubloŭ na karyść paciarpiełych.
Alaksandra Kazakieviča vyzvalili ŭ zale suda. Jon pravioŭ u źniavoleńni try miesiacy.
