Ivan Bakanaŭ i Iryna Vieniadziktava.
Adpaviednyja ŭkazy raźmieščanyja na sajcie prezidenta.
Pry hetym Bakanaŭ adchileny pa artykule «Nievykanańnie (nienaležnaje vykanańnie) słužbovych abaviazkaŭ, jakoje pryviało da čałaviečych achviar ci inšych ciažkich nastupstvaŭ albo stvaryła pahrozu takich nastupstvaŭ».
U viečarovym zvarocie Uładzimir Zialenski patłumačyŭ rašeńnie vialikaj kolkaściu kałabarantaŭ u pravaachoŭnych strukturach.
«Pa stanie na siońnia zarehistravana 651 kryminalnaja vytvorčaść adnosna dziaržaŭnaj zdrady i kałabaracyjnaj dziejnaści rabotnikaŭ orhanaŭ prakuratury, orhanaŭ dasudovaha rasśledavańnia, inšych pravaachoŭnych orhanaŭ. U pryvatnaści, bolš za 60 rabotnikaŭ orhanaŭ prakuratury i suda zastalisia na akupavanaj terytoryi i pracujuć suprać našaj dziaržavy», — zajaviŭ Zialenski.
Raniej, 23 červienia, vydańnie Politico paviedamiła pra toje, što rychtujucca kadravyja źmieny i kiraŭnik SBU moža stracić pasadu z-za šerahu niaŭdałych apieracyj i chutkaj akupacyi Chiersona.
Bakanaŭ trapiŭ pad škvał krytyki, bo rašeńni niepasredna jaho i inšych vysokapastaŭlenych aficeraŭ SBU kaštavali Ukrainie vialikaj častki terytoryi i adzinaha akupavanaha abłasnoha centra — Chiersona.
Tak, kiraŭnik miascovaha ŭpraŭleńnia SBU hienierał Kryvaručka zahadaŭ svaim padnačalenym evakujavacca jašče da rasijskaha ŭvarvańnia, a jahony daradca pałkoŭnik Sadochin, jak śćviardžajecca, naohuł dapamahaŭ akupantam.
Taksama SBU vinavaciać u tym, što jany nie ŭzarvali Antonaŭski most praz Dniapro, što lohka dazvoliła Rasii ŭvarvacca ŭ Chierson.
Bakanaŭ — siabar dziacinstva Zialenskaha. Da jahonaha prezidenctva jon byŭ jurystam «Kvartała 95» i kiravaŭ štabam Zialenskaha.
eto p****c
https://d367rzjs5oyeba.cloudfront.net/ru/295605