Aleh Hruździłovič
«Minsktrans» faktyčna admoviŭsia ad častki svajho hrašovaha patrabavańnia, raskazała Svabodzie žonka Aleha Marjana Hruździłovič, jakaja była na pracesie. Hruździłoviču vystavili sumu 5980 rubloŭ 11 kapiejek, adnak pazoŭnica paviedamiła, što ŭsiu hetuju sumu ŭžo całkam spłacili inšyja asoby. Tamu prakuror paprasiŭ ličyć hety pazoŭ vykananym. Sudździa pryniała heta «da ŭvahi» i abviaściła, što pasiadžeńnie, na jakim vyniesuć kančatkovaje rašeńnie, pieranosicca na 25 žniŭnia 2022 hoda na 14.15.
Ahułam «Minsktrans» vystaviŭ Alehu Hruździłoviču, jaki adbyvaje pakarańnie ŭ mahiloŭskaj kałonii № 15, try hramadzianskija pazovy — za spynieńnie transpartu padčas akcyj letam i vosieńniu 2020 hoda na ahulnuju sumu bolš jak 56 tysiač rubloŭ.
22 lipienia ŭ Maskoŭskim rajonnym sudzie, a 25 lipienia ŭ Frunzienskim rajonnym sudzie Minsku razhledziać jašče dva pazovy «Minsktransa» da Aleha Hruździłoviča.
