U «Sachnut» paćvierdzili atrymańnie lista, ale nie stali kamientavać adkaz, jaki ciapier znachodzicca na razhladzie ŭ ofisie arhanizacyi ŭ Jerusalimie. Adkaz budzie ŭzhodnieny ź Ministerstvam zamiežnych spraŭ i kancylaryjaj premjer-ministra.
«U ramkach pracy delehacyi habrejskaha ahienctva ŭ Rasii ad nas čas ad času patrabujecca ŭnosić peŭnyja karektyvy, jak taho patrabujuć ułady… Kantakty z uładami adbyvajucca pastajanna, z metaj praciahu našaj dziejnaści ŭ adpaviednaści z praviłami, ustalavanymi kampietentnymi orhanami. Navat siońnia taki dyjałoh maje miesca», — pryvodzić vydańnie kamientaryj «Sachnut».
Hety zahad moža spynić praces alii rasijskich habrejaŭ u Izrail, a taksama pastavić pad pahrozu prajekty habrejskich supołak u Rasii.
Rašeńnie ab zabaronie dziejnaści «Sachnuta» było pryniataje na fonie rostu napružanaści pamiž Izrailem i Rasijaj z-za pazicyi Jerusalima ŭ dačynieńni da vajny va Ukrainie i jaho palityki padtrymki Kijeva.
4 lipienia MZS Rasii nazvaŭ nieprymalnymi ŭdary pa Siryi, u jakich abvinavačvajuć Izrail, i zapatrabavaŭ ich biezumoŭnaha spynieńnia.
