Fota: AP
U Polščy z 1 lipienia ŭkrainskim biežancam spyniać vypłatu dapamohi ŭ pamiery 40 złotych na sutki. Pra heta zajaviŭ namieśnik kiraŭnika MUS Polščy i ŭpaŭnavažany ŭrada pa spravach biežancaŭ Pavieł Šefiernakier.
«My pierakananyja, što mnohija ludzi ŭ Polščy zdolnyja stać niezaležnymi i adaptavacca», — zajaviŭ jon.
Pry hetym Šefiernakier adznačyŭ, što niekatorym katehoryjam biežancaŭ vypłaty buduć praciahnutyja — u pryvatnaści, ludziam z abmiežavanymi mahčymaściami, ciažarnym žančynam i šmatdzietnym siemjam.
«My vypłačvajem vielizarnuju sacyjalnuju dapamohu — ad 300 złotych dla kožnaha da 500 złotych na kožnaje dzicia i inšych asob, jakija majuć patrebu ŭ sacyjalnych vypłatach. Taksama my bačym, što mnohija ŭkraincy šukajuć pracu i znachodziać jaje. My chočam stymulavać inšych być aktyŭnymi», — padkreśliŭ Šefiernakier.
Jon dadaŭ, što čatyry miesiacy poŭnaj abarony — heta dastatkovy čas dla adaptacyi ŭ krainie.