Letam 2022-ha biełarusy zabili ŭ Lizie Nacyj roŭna nul miačoŭ. Fota: abff.by
Napiaredadni sustrečy ŭ Baku hałoŭny trenier «biełakryłych» aburaŭsia: dušać krytykaj z usich kutkoŭ, byccam treniruju zbornuju Brazilii, a nie Biełarusi. Niespraviadliva, maŭlaŭ. Biełarusy i biehajuć chutka, i stvarajuć padychody da čužych bram nie horš za apanientaŭ, voś tolki realizavać pakul momanty nie atrymlivajecca. Lepiej by žurnalisty z zaŭziatarami ziapy pazatykali — tady i viecier źmienicca, jaki miačy paśla našych ŭdaraŭ mima bramy nosić, i futbalisty psichałahična raźniavolacca.
Što ž, pamiž ničyjoj z Kazachstanam dy zmahańniem suprać Azierbajdžana hałoŭnuju kamandu krainy nichto nie čapaŭ. Z adnaho boku, było vielmi mała času (usiaho dvoje sutak), kab surjozna kamandu prapiasočyć.
Z druhoha — zbornaja ŭsim kančatkova nabrydła, bo i źniešnie, i ŭnutrana stała padobnaj da hałoŭnaha treniera. Nijakavaty tvar ź viečna niezadavolenaj hrymasaj, šabłonnyja abiacanki, jakija nikoli nie spraŭdžvajucca dy šarahovaść u padychodach da hałoŭnaj spravy svajho žyćcia.
Padajecca, u takich ciapličnych umovach biełarusy pavinny byli Azierbajdžan raźnieści. Dy tak, kab usim krytykam movu adniało… Što ž, skazać paśla finalnaj sireny sapraŭdy ničoha nie atrymałasia. Parazu 0:2 kali i ciahnuła acharaktaryzavać, to tolki brydkasłoŭjem.
Parazu 0:2 kali i ciahnuła acharaktaryzavać, to tolki brydkasłoŭjem. Fota: abff.by
Chandraćjeŭščyna pahłynuła zbornuju nastolki mocna, što za ŭsie čatyry sustrečy leta, a nie tolki za 90 chvilin viečara ŭ Baku, «biełakryłyja» zabili roŭna… 1 hoł!
Adpaviedna i skončyli červieński adrezak na apošnim miescy ŭ hrupie «3» dyvizijona «S» Lihi nacyj. Šancaŭ na pavyšeńnie ŭ kłasie bolš niama navat matematyčnych. A voś vierahodnaść zvalicca ŭ tartarary kantynientalnaha futboła kałasalnaja. Bo dva ački z 12 mahčymych na letnim turnirnym adrezku — samy kankretny pakazalnik na bieznadziejnaść ajčynnych «nahamiačystaŭ».
I zaraz cikava tolki adno: ci zdoleje Kandraćjeŭ pryznać ułasnuju profnieprydatnaść dy samavolna padać u adstaŭku albo znoŭ voźmiecca abvinavačvać inšych u biełaruskich futbolnych biedach?
Liha Nacyj. Hrupa 3, dyvizijon «S». Stanovišča paśla 4 turaŭ z 6:
- Kazachstan — 10 ačkoŭ
- Słavakija — 6 ačkoŭ
- Azierbajdžan — 4 ački
- Biełaruś — 2 ački
