Ministr abarony Rasii Siarhiej Šajhu pravioŭ telefonnyja pieramovy z tureckim kaleham Chułusi Akaram, jany abmierkavali situacyju va Ukrainie i ŭ Siryi.
Pavodle infarmacyi Minabarony, razmova adbyłasia pa inicyjatyvie Ankary.
«Asnoŭnaja ŭvaha była nadadzienaja abmienu dumkami i acency situacyi va Ukrainie i ŭ Siryi. Ministry abarony detalova abmierkavali pytańni biaśpieki sudnachodstva ŭ Čornym mory va ŭzajemasuviazi z vyrašeńniem prablemy vyvazu zbožža z terytoryi Ukrainy», — havorycca ŭ paviedamleńni.
Baki taksama adznačyli «važnaść praciahu ciesnaha ŭzajemadziejańnia ŭ Siryi, nakiravanaha na padtrymańnie doŭhačasovaj stabilnaści ŭ rehijonie».