Fota: AP
Pierš za ŭsio Natalla źviartaje ŭvahu na toje, što pajezdka kiraŭnika RPC u Biełaruś nie płanavałasia. Pra jaje stała viadoma za niekalki dzion, i toje vizit patryjarcha staralisia trymać u sakrecie. Teołah zaŭvažaje, što Kirył pryjechaŭ u Biełaruś paśla 27 maja, kali ŭ Kijevie prajšoŭ Sabor Ukrainskaj pravasłaŭnaj carkvy, jaki abviaściŭ pra jaje niezaležnaść ad RPC (ale nie aŭtakiefaliju).
«Na moj pohlad, patryjarch Kirył prosta chacieŭ jašče raz zaćvierdzić svoj status patryjarcha ŭsiaje Rusi, jaki zachistaŭsia paśla apošniaha Saboru ŭ Kijevie, u Biełarusi ŭ patryjarcha jašče jość mahčymaść heta zrabić. Jon pažadaŭ pryjechać u Biełaruś, i jaho siudy puścili, dy jašče i skazali dobryja słovy. Tak što heta byŭ vizit dla samaśćviardžeńnia. Ciapier ža jamu asabliva niama kudy jechać, akramia Biełarusi», — miarkuje Natalla Vasilevič.
Va Ukrainie i pravasłaŭnych krainach Jeŭropy patryjarchu ciapier nie rady, tolki ŭmiašalnictva Vienhryi vydaliła Kiryła z sankcyjnaha śpisu Jeŭrasajuza.
Ci moh patryjarch naviedać Biełaruś, kab upeŭnicca, što carkoŭny Minsk nie pojdzie pa šlachu Kijeva da adździaleńnia ad RPC? Na dumku ekśpiertki, takoj pahrozy ŭ Maskvie ciapier nie bačać: «Jak ličać carkoŭnyja čynoŭniki, paśla 2020 hoda jany «narmalizavali» situacyju. Adsunuli ad kiravańnia jeparchijaj adzinaha jepiskapa, u jakoha było svajo mierkavańnie, — jepiskapa Hrodzienskaha Arciemija».
A jakija nastroi panujuć ciapier u biełaruskaj carkvie, jak paŭpłyvała vajna va Ukrainie na ludziej, što čytali prykazańnie «Nie zabivaj»? Natalla ličyć, što varta padzialać nastroi siarod jepiskapaŭ i zvyčajnych śviataroŭ i viernikaŭ. Dla patryjarcha maje značeńnie tolki pazicyja jepiskapata.
«Vakoł jepiskapaŭ budujecca sama struktura carkvy, jany karajuć i miłujuć, nakładvajuć sankcyi na śviataroŭ, rasparadžajucca majomaściu. I z hetaha boku patryjarch maje poŭnuju łajalnaść, bo jon niepasredna ŭpłyvaje na pryznačeńnie ŭsich hetych ludziej. Heta jaho ludzi, jakich jon vybraŭ, pravieryŭ i pastaviŭ. Da peŭnaha času, pakul nie ŭźniknie kanflikt intaresaŭ, jany buduć padtrymlivać patryjarcha, bo heta ich dabradziej i niepasredny kiraŭnik.
Pry lubych prajavach niełajalnaści jon zdoleje, jak u vypadku z Arciemijem, prosta sabrać Sinod, navat dystancyjnym čynam, i pazbavić čałavieka pasady. U jepiskapaŭ niama supolnych intaresaŭ, kožny ź ich žadaje prosta zastacca na svaim miescy i być na dobrym rachunku ŭ patryjarcha.
Tamu jany nie buduć prajaŭlać nijakaha niepadparadkavańnia, pakul hetaha nie zapatrabujuć ułady».
Što tyčycca prostych śviataroŭ i viernikaŭ, tut situacyja zusim inšaja.
«Da 2020 hoda siarod ich było šmat ludziej, jakija prymali Kiryła jak asobu na pasadzie patryjarcha i mirylisia z tym, što jon nie padabaŭsia im jak čałaviek. Ale pastupova patryjarch pierastupaŭ čyrvonyja linii, i ludzi ŭžo nie byli hatovyja mirycca ź im tak, jak raniej, pa maralnych pierakanańniach jany ŭžo nie znachodzili ŭ sabie siły demanstravać da patryjarcha niejkija stanoŭčyja pačućci.
Siarod takich čyrvonych linij było nieasudžeńnie hvałtu ŭ 2020 hodzie, pierapynieńnie jeŭcharystyčnych adnosin z Kanstancinopalskim patryjarchatam u 2018-m. Dla vielmi mnohich ludziej čyrvonaj linijaj stali pavodziny Kiryła na pačatku vajny va Ukrainie. Takich ludziej šmat, ale jany, moža, i nie viedajuć pra heta, bo ŭ čas represij im vielmi ciažka vykazvać svaju pazicyju».
«Dumaju, što patryjarch tamu i jechaŭ u Biełaruś. Jon viedaŭ, što na sustreču ź im pryhoniać kaho treba i prymusiać uśmichacca, a kali treba, to HUBAZiK i AMAP vyrašać prablemu ź inšadumcami. Budzie stvoranaja pryhožaja karcinka dla jaho asałody», — zaklučaje Natalla.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Patryjarch Kirył u zvarocie da biełaruskaha naroda havaryŭ pra «prastory Rusi» i «ŭskrainnyja ziemli»
