«DBR praciahvaje vyjaŭlać na terytoryi Ukrainy majomaść rasijskich i biełaruskich kampanij, paśla čaho inicyjuje jaje nacyjanalizacyju», — piša pres-słužba Biuro.
Supracoŭniki vyjavili amal 1400 vahonaŭ, jakija znachodzilisia na terytoryi Pałtaŭskaj i Dnieprapiatroŭskaj abłaściej. Uładalnikami vahonaŭ źjaŭlajucca fizičnyja i jurydyčnyja asoby z Rasijskaj Fiederacyi i Respubliki Biełaruś.
Dla kanfiskacyi majomaści krain-ahresaraŭ i pieradačy jaje na patreby Ukrainy terytaryjalnaje ŭpraŭleńnie DBR Pałtavy źviarnułasia z adpaviednaj inicyjatyvaj da kiraŭnictva Pałtaŭskaj i Dnieprapiatroŭskaj vajskova-hramadzianskich administracyj.
Učora paviedamlałasia pra toje, što Biuro ekanamičnaj biaśpieki Ukrainy vyjaviła 400 vahonaŭ, jakija naležać rasijskim i biełaruskim pradpryjemstvam, u Čarkaskaj vobłaści.