Fota: Alex Wong/Getty Images
Ciapier Psaki nibyta viadzie pieramovy ab pracaŭładkavańni na telekanał MSNBC. Pakinuć Bieły dom jana nibyta płanuje ŭ traŭni.
Pavodle dźviuch krynic Axios, Psaki ŭžo raskazała niekatorym vysokapastaŭlenym čynoŭnikam Biełaha doma pra svoj chutki sychod. Ale aficyjna pra heta pres-kamandzie Biełaha doma jašče nie paviedamili.
Džen Psaki viadomaja jak peŭny aficyjny tvar i hołas ZŠA ŭžo šmat hadoŭ. U 2009—2011 i 2015—2017 hadach jana była dyrektaram pa kamunikacyjach Biełaha doma, u 2013—2015 aficyjnym pradstaŭnikom Dziaržaŭnaha departamienta ZŠA. A ŭ listapadzie 2020 hoda pryznačanaja abranym prezidentam Džozefam Bajdenam pres-sakratarom Biełaha doma.
Pakolki mienavita praz Psaki časta rabilisia publičnymi roznyja rašeńni vyšejšaha kiraŭnictva ZŠA, dla rasijskaj prapahandy jaje proźvišča — adno z najbolš simvaličnych i nienavisnych, na jaje demanizacyju i dyskredytacyju ŭ vačach aŭdytoryi rasijskich ŚMI było pakładziena šmat namahańniaŭ.
