«Pytańnie kiravańnia Danbasam, hetymi terytoryjami — klučavoje pytańnie pieramovaŭ. Praŭda, my pa-roznamu na jaho hladzim. Ukrainski bok miarkuje, što pytańnie kiravańnia terytoryjaj pavinna vyrašacca centralizavana ŭ Kijevie. A my ličym, što pytańnie kiravańnia pavinna vyrašacca narodam Danbasa. Narod Danbasa vosiem hadoŭ tamu z hetaj nahody vykazaŭsia, z tych časoŭ na praciahu vaśmi hadoŭ, pa sutnaści, byŭ vymušany vieści vajnu, adstojvajučy ŭłasnyja rašeńni», — kaža rasijski čynoŭnik.
Heta zajava rasijskaha čynoŭnika śviedčyć ab tym, što Ukraina na pieramovach patrabuje ad Rasii dezavujavać pryznańnie niezaležnaści tak zvanych «DNR» i «ŁNR» Pucinym, i što Rasija hatovaja heta pytańnie rabić pradmietam pieramovaŭ. Uskosna heta śviedčyć pra słabaść rasijskaj pieramoŭnaj pazicyi.
