«Hetyja ciažkija sutki skončylisia tym, što my nie dali vorahu dasiahnuć svaich zachopnickich płanaŭ. Praciahvajecca 19-ja hadzina našaha supracivu šyrokamaštabnamu rasijskamu ŭvarvańniu.
Pa stanie na 00:00 25 lutaha hrupoŭka siłaŭ abarony viadzie arhanizavanuju abarončuju apieracyju na poŭdni. Peŭnym składam siłaŭ viaducca abarončyja bai ŭ rajonie na ŭschod ad Chiersona.
Miechanizavanyja padraździaleńni US Ukrainy adbili aŭtamabilny most i zamacavalisia na levym bierazie Dniapra. Našymi miechanizavanymi padraździaleńniami ŭ rajonie Rykava naniesiena paraza pieraŭzychodziačym siłam praciŭnika. Vorah źniščany, pośpiechu nie maje.
Na sievierskim kirunku viaducca abarončyja bai ŭ rajonach Pieramoha i Hłuchaŭ. Varožaja kałona spynienaja. Padraździaleńni Pieršaj tankavaj bryhady pa race Biełavus u napramku Čarnihava spynili pieraŭzychodziačyja siły akupantaŭ.
Na Vałyni miechanizavanyja padraździaleńni US Ukrainy zaniali pazicyi na peŭnych rubiažach u hatoŭnaści da adbićcia nastupu praciŭnika.
Na Słabažanščynie apieratyŭnaja hrupoŭka US Ukrainy viadzie abaronu ŭ rajonach nasielenych punktaŭ Daŭžanka, Charkaŭ, Achtyrka, Sumy. U rajonach Vaŭčanska, Biełaha Kałodzieža, Prykałotnaha viaducca abarončyja bai. Padraździaleńni zabieśpiačeńnia ŭ Achtyrcy spynili čarhovy nastup praciŭnika.
Hrupoŭka Vajenna-marskich siłaŭ Ukrainy praciahvaje viadzieńnie bajavych dziejańniaŭ u paŭnočna-zachodniaj častcy Čornaha mora. Ažyćciaŭlajecca abarona punktaŭ bazavańnia i partoŭ Adesy, Paŭdniovaha, Ačakava, Čarnamorska.
Peŭnyja siły i srodki pierajšli da abarony horada Kijeva.
Pavietranyja siły US Ukrainy adbivajuć pavietranyja ŭdary praciŭnika, viaduć pastajannuju raźviedku z užyvańniem BPŁA, naniesienyja ŭdary pa kałonach akupacyjnych vojskaŭ u rajonach nasielenych punktaŭ Novaja Zburaŭka, Kupiansk, Novaja Kachoŭka i desanta praciŭnika ŭ rajonie aeradroma Hastomiel.
Hrupoŭka Abjadnanych siłaŭ na terytoryi Danieckaj i Łuhanskaj abłaściej pa vynikach bajavych dziejańniaŭ na asobnych napramkach adnaviła stanovišča pa piarednim krai. U pałasie adkaznaści asobnych padraździaleńniaŭ praciŭnik sprabuje ŭklinicca ŭ bajavyja paradki našych vojskaŭ na hłybiniu ŭzvodnych apornych punktaŭ.
Aryjencirovačnyja straty praciŭnika skłali: tankaŭ — bolš za 30 adz., bajavych braniravanych mašyn — da 130 adz., samalotaŭ — 5, viertalotaŭ — 6.
Viercie ŭ Uzbrojenyja Siły Ukrainy i našu pieramohu! Razam da pieramohi!»