Fota: depositphotos.com
Jak raskazali piedahohi, im z kalehami ab novym prajekcie Ministerstva adukacyi stała viadoma jašče ŭ śniežni minułaha hoda. Jon raspracavany «ŭ metach aptymizacyi štatnaj kolkaści rabotnikaŭ ustanoŭ daškolnaj adukacyi i śpiecyjalnych daškolnych ustanoŭ».
‒ Nie ŭsie śpiecyjalisty ŭ kursie taho, što mohuć być niejkija pieramieny. Naprykład, u Viciebsku ŭ dvuch rajonach ludziam užo paviedamili, a ŭ adnym ‒ jašče nie. Nam raskazali, što sutnaść prajekta takaja: chočuć źmianić režym pracy i nahruzku vuzkim śpiecyjalistam daškolnych ustanoŭ ‒ kiraŭnikam fizičnaha vychavańnia, muzyčnym kiraŭnikam, defiektołaham. Rabočy čas płanujuć pavialičyć prykładna ŭ 1,5 raza i na stolki ž pavialičvajuć nahruzku, a zarobak pry hetym pakidajuć raniejšy. Naprykład, ciapier u muzyčnych kiraŭnikoŭ ‒ 4 hrupy dziaciej na staŭku, a płanujuć zrabić 6-7. Pracoŭny dzień na staŭku pavialičvajecca z 24 hadzin da 30 u tydzień.
Pavodle infarmacyi piedahohaŭ, zhodna z prajektam pastanovy, raźličvać zarobak vykładčykam muzyki i fizkultury ŭ dziciačych sadach płanujuć za kolkaść hrup, a nie dziaciej. U vyniku, jak kažuć sami śpiecyjalisty, heta źmienšyć apłatu pracy i pryviadzie da skaračeńnia kolkaści rabotnikaŭ u dziciačych sadach.
‒ Da prykładu, u Viciebsku vuzki śpiecyjalist sa stažam 10 hadoŭ, pieršaj kvalifikacyjnaj katehoryjaj i nahruzkaj 1,25 staŭki zarablaje 600-700 rubloŭ. Na staŭku vychodzić kala 500. Kali budzie ŭkaraniony novy štatny raskład, to heta ŭžo budzie nie 1,25 staŭki, a prosta staŭka, ‒ kažuć śpiecyjalisty.
Piedahohi ŭ roznych rehijonach Biełarusi pačali źbirać podpisy suprać novaŭviadzieńnia. Taksama jany napisali list u Ministerstva pracy i sacabarony. Ź viedamstva pryjšoŭ adkaz (datavany 10 lutaha), što zapyt ad piedahohaŭ pieranakiravany ŭ Ministerstva adukacyi.
Tam žurnalistu Zerkalo.io prakamientavać najaŭnaść ci raspracoŭku prajekta novaj pastanovy nie zmahli. Taksama zaznačyli, što pakul piedahohi ŭ Ministerstva adukacyi nie źviartalisia.
«Nastaŭnik nie pavinien źviartać uvahu na zarpłatu, bo heta paklikańnie». Piać faktaŭ pra novaha ministra adukacyi
U Biełarusi 430 tysiač rabotnikaŭ adukacyi, ź ich piedahohaŭ tolki pałova. Chto astatnija ludzi?
