Honka nie zadałasia ŭ biełarusak z samaha pačatku. Iryna Leščanka pieradała estafietu 11-j, takoje ž miesca było ŭ Alimbiekavaj, a Kručynkina naohuł adkinuła kamandu na 14-je miesca. U vyniku 13-je miesca, 12-je zaniali kitajanki, jakich treniruje Darja Domračava.
Vyjhrała honku Šviecyja z vynikam adna hadzina 11 chvilin 03,9 siekundy. Srebra zavajavała Rasija (+12 siekund), bronza ŭ Niamieččyny (+37,4).
Učora ŭ mužčynskaj honcy biełarusy zaniali vośmaje miesca.
U piatnicu i subotu projdzie mas-start u bijatłonie ŭ mužčyn i žančyn.
Pakul na Alimpijadzie ŭ biełarusaŭ dva miedali: heta srebranyja ŭznaharody Hanny Huśkovaj u frystajle i Antona Smolskaha ŭ indyvidualnaj honcy ŭ bijatłonie.
Siońnia a 14-j pačniecca mužčynski finał u frystajle. U finał ad Biełarusi prabiŭsia Stas Hładčanka.
