Fota: pieceofmind / depositphotos.com

Fota: pieceofmind / depositphotos.com

Niekalki hadzin nie pracavali sajty bujnych bankaŭ «Pryvat» i «Aščadbank». Karystalniki mabilnaj prahramy «Privat24» paviedamlali pra prablemy z płaciažami i ŭ cełym z pracaj mabilnaj prahramy. Niekatorym karystalnikam zusim nie ŭdavałasia zajści ŭ «Privat24», u inšych nie adlustroŭvalisia bałans i apošnija tranzakcyi. 

U banku «Pryvat» zapeŭnili, što nijakaj pahrozy srodkam układčykaŭ niama, kibierataki tyčylisia vyklučna Privat24. Astatnija finansavyja apieracyi vykonvalisia ŭ narmalnym režymie.

U pracy «Aščadbanka» taksama naziralisia zboi, internet-bankinh nie pracavaŭ.

Ciapier «Pryvatbank» i «Aščadbank» paviedamili, što adnavili pracu, ale čakajuć, što DDOS-ataki mohuć adnavicca.

Taksama padvierhnulisia napadu sajty Minabarony i Uzbrojenych siłaŭ Ukrainy. Minabarony paćvierdzili chakierskuju ataku na ich sajt.

U centry stratehičnych kamunikacyj i infarmacyjnaj biaśpieki Ukrainy ŭsie hetyja kibierataki źviazvajuć ź dziejańniami Rasii.

Raniej maštabnaja chakierskaja ataka na Ukrainu adznačałasia 14 studzienia hetaha hoda.

Čytajcie taksama:

Chakierskaja ataka, u jakoj padazrajuć biełaruskuju raźviedku, pachavała mroi Ukrainy pra «dziaržavu ŭ smartfonie»

Źjavilisia novyja padrabiaznaści kibierataki na Ukrainu. Microsoft kaža ab maštabnym paškodžańni siervieraŭ i źniščeńni źviestak

Kijeŭ: Za kibieratakaj na Ukrainu stajać chakiery, źviazanyja z raźviedkaj Biełarusi

«Bojciesia i čakajcie horšaha». Chakiery atakavali ŭkrainskija ŭradavyja sajty i partał dziaržpasłuh «Dija»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?