Ilustracyjnaje fota

Ilustracyjnaje fota

Baćkoŭskija viedy i ŭkład u matyvacyju dziaciej — pa-raniejšamu abaviazkovy elemient isnavańnia biełaruskaj škoły. Chatnija zadańni, pravierka dziońnikaŭ, baćkoŭskija schody i inšyja rudymienty zastajucca abaviazkovym atrybutam siaredniaj adukacyi.

Nu nie moža škoła vučyć dziaciej, nie pierakładajučy abaviazki na inšych. Abstaŭlena heta vonkava prystojna: zadańni dajucca vučniam, a zadača baćkoŭ — prakantralavać.

Adnak u realnaści sapraŭdnaje navučańnie pačynajecca doma, kali vyśviatlajecca, što dzicia nie zrazumieła praviła abo prasłuchała tłumačeńnie. Adsunuŭšy chatnija spravy, darosłyja biarucca aśviažać viedy, potym tłumačyć, zatym praviarać. I tak amal kožny dzień.

Viedaju kiraŭnika bujnoha pradpryjemstva, jaki prychodzić dadomu, adpačyvaje hadzinu-druhuju, a potym u jaho pačynajecca druhaja źmiena — pravierka ŭrokaŭ. Voś taki volny čas u menedžara, jakomu b adpačyvać, nu a kali jość niastrymanaje žadańnie papracavać, — dumać ab matyvacyi supracoŭnikaŭ, aptymizacyi pracy, pavyšeńni technałahičnaści pracesaŭ. Adnak nie!

Cikava, što buchhałtar kampanii nie niasie nastaŭnicy svajoj dački spravazdaču, jakuju treba terminova skončyć. A prahramist — niezavieršany kod, a lekar nie pryvodźci pacyjenta ź nievyśvietlenym dyjahnazam.

Čamu ž sa škołaj adbyvajecca naadvarot? Ci nie tamu ŭ nas pakutujuć cełyja haliny, što mnohija zajmajucca nie svajoj spravaj?

Tak, ja čuŭ arhumienty pra vialikija kłasy, zahružanaść nastaŭnikaŭ, niemahčymaść indyvidualnaha padychodu… Jak tut nie ŭspomnić znakamitaje «nu vy ž sami ŭsio razumiejecie».

Adnak niadaŭna na vočy trapiła cikavaja statystyka. U Biełarusi 430 tysiač rabotnikaŭ adukacyi, a piedahohaŭ ź ich — tolki pałova (dakładniej, niepasredna ź dziećmi pracuje 191 tysiača)! Čym ža zajmajucca astatnija supracoŭniki sistemy adukacyi? U Minadukacyi patłumačyli, što 240 tysiač heta «ŭsie astatnija, naprykład, niańki ŭ sadkach», a voś u abłasnych i rajonnych adździełach adukacyi «150 tysiač budzie, a moža, i bolš». To-bok ludzi, jakija raspracoŭvajuć mietadyčnuju i narmatyŭnuju bazu dy ździajśniajuć pravierki.

Adrazu ž zhadałasia karcinka ź siamju načalnikami, što pilna sočać za rabočym, jaki kapaje jamu.

Kaniečnie, pačałosia heta nie ŭčora i navat nie tryccać hadoŭ tamu, a źjaŭlajecca zdabytkam savieckaj sistemy. Ale pakul inšyja imknulisia prapanoŭvać novyja padychody, technałohii, mietady, źnižajučy nahruzku na dziaciej i darosłych i vyzvalajučy čas dla siamji, u Biełarusi situacyja tolki paharšałasia.

A ciapier na karyść nastaŭnikaŭ pracujuć jašče i sučasnyja technałohii, u pryvatnaści, čaty ŭ mesendžarach, dzie apieratyŭna možna tuzanuć baćkoŭ — nahadać nie tolki pra niezdadzienyja hrošy na firanki, ale i pra nievykananaje praktykavańnie.

Spravy ŭ sistemie školnaj adukacyi nahadvajuć trend biełaruskaj dziaržavy, jakaja z zadavalnieńniem pierakładvaje niepryjemnuju adkaznaść na zvyčajnych ludziej, pakidajučy siabie bolš važnyja rečy. 

Čytajcie jašče:

«Heta čarhovy manieŭr, kab pakpić z, jak jany kažuć, «biehłych». Nastaŭniki pra novy Kodeks ab adukacyi

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?