Karysa i Kryścina Šenan u 2008 hodzie. Fota ru.wikipedia.org.
Karysa i Kryścina pierajechali ŭ asabniak Chefnera ŭ 2008 hodzie i stali dźviuma z troch jaho aficyjnych siabrovak. Taksama siostry Šenan atrymlivali pa tysiačy dalaraŭ u tydzień za ŭdzieł u realici-šou Girls Next Door, pryśviečanym žyćciu siabrovak Chefnera ŭ jahonym asabniaku, piša Mirror.
Ale ž, jak raskazvajuć bliźniaty, padčas žyćcia z Chefneram jany sutykalisia z hvałtam. Pa słovach siaścior, viečarami im davali narkotyki abo mocnyja leki, paśla čaho prymušali ŭdzielničać u hrupavym seksie razam z Chefneram dy inšymi žančynami.
Karysa i Kryścina kažuć, što im davali mietakvałon (mocnaje snatvornaje) i marychuanu. Dziaŭčatam kazali, što heta dapamoža im rassłabicca.
Bliźniaty kažuć, što adčuvali soram, ale praciahvali žyć u asabniaku z Chefneram, pry hetym bolšaść načej jany pravodzili ŭ jaho spalni razam ź im i inšymi žančynami, dzie brali ŭdzieł u hrupavym seksie, što prynosiła im jašče bolš maralnych pakutaŭ. U 2010 hodzie bliźniaty narešcie źjechali z asabniaku. Jak jany śćviardžajuć, budynak byŭ našpihavany kamierami i pryładami dla padsłuchoŭvańnia, u asabniaku byŭ strohi kamiendancki čas, a słuhi Chefnera zapisvali ŭsio, što jaduć dziaŭčaty.
