Koška, jakuju nazvali Uiłaŭ, dałučyłasia da Kamandora — ščaniaci niamieckoj aŭčarki, jakoha padaravali Bajdenam u śniežni. U žyvioł jość ułasny tvitar The Oval Pawffice («Avalny łapiniet»), na jakija padpisana bolš za 200 tysiač čałaviek. Tam publikujuć fatahrafii žyvioł i raskazvajuć pra ich pryhody ŭ Biełym domie, piša TJ.
U adnym z dopisaŭ Uiłaŭ «raspaviała», što joj dva hady, a raniej jana była badziažnaj koškaj. Da Bajdenaŭ žyvioła trapiła paśla taho, jak zaskočyła na scenu padčas vystupu Džył Bajden u Piensilvanii. Svajo imia jana atrymała ŭ honar horada Uiłaŭ Hroŭv — mienavita tam jana naradziłasia i žyła.
Pryvitańnie, ludzi. Mianie zvać Uiłaŭ Bajden, mnie dva hady, i ja tolki što stała Pieršaj koškaj. Niahledziačy na toje, što majho brata kličuć Kamandor, i jon bujniejšy za mianie, ja ŭpeŭnienaja, što budu hałoŭnaj. Miaŭ!
Raniej ja žyła na fiermie, što narmalna dla biazdomnych. Maja miaŭma nazvała mianie Uiłaŭ ŭ honar Uiłaŭ Hrouv, dzie ja naradziłasia. Džył Bajden zaŭvažyła mianie paśla taho, jak ja ŭskočyła na scenu i pierapyniła jaje pramovu.
Łapa da łapy, miaŭkać i brachać, my ciapier brat i siastra, kaciania Uiłaŭ raduje majo maleńkaje ščaniačaje serca.
Papiaredniaj Pieršaj koškaj ZŠA była Indyja — jana žyła ŭ siamji prezidenta Džordža Buša-małodšaha da 2009 hoda. U Baraka Abamy byli sabaki, a Donald Tramp nie zavodziŭ žyvioł u Biełym domie.
