Habryelus Łandśbierhis. Fota Delfi.lt
«Tak, my ličym, što vajna mahčymaja», — skazaŭ jon 24 studzienia pierad pasiadžeńniem ministraŭ zamiežnych spraŭ u Bruseli, adkazvajučy na pytańnie žurnalistaŭ ab mahčymaj pahrozie vajny, paviedamlaje Delfi.lt.
Ź inšaha boku, Rasija pahražaje pierasiačeńniem čyrvonych linij nie tolki z dapamohaj vajennych sił, ale i tym, što praciahvaje ŭmiešvacca ŭ palityčnyja spravy Ukrainy.
«Maja pazicyja — pierasiačeńnie miažy ŭžo raŭnasilna pierasiačeńniu čyrvonaj linii. Pa sutnaści, čyrvonuju rysu pierastupajuć i kali sprabujuć niezakonna ŭmiešvacca ŭ palityčnyja spravy krainy», — dadaŭ Łandśbierhis.
Łandśbierhis skazaŭ, što vajennaj interviencyi Kramla ŭ Ukrainu ŭdałosia b paźbiehnuć tolki ŭ tym vypadku, kali b Zachad abviaściŭ pra niepadjomnyja dla Rasii sankcyi.
«Kreml paličyŭ, što sankcyi mohuć prymianiacca. My pavinny ćviorda stajać na svajoj pazicyi i kažučy pra toje, što sankcyi pavinny być niepadjomnymi dla režymu, my pavinny zrabić tak, kab jany takimi byli i na spravie. Tolki heta dapamoža spynić Rasiju», — skazaŭ žurnalistam Łandśbierhis. «Kali sankcyi nie buduć niepadjomnymi, Rasija nie spynicca» — padkreśliŭ ministr.
Pa jaho słovach, kali Zachad nie zmoža abjavić takija sankcyi, treba praciahvać akazvać padtrymku Ukrainie, kab jana mahła abaranić siabie ad rasijskaj ahresii.
«My pavinny vyrašyć, ci chočam my paźbiehnuć vajny. Kali nie, tady treba prymać inšyja miery — my pavinny pasyłać Ukrainie amunicyju i inšuju dapamohu, kab jana mahła abaraniacca sama. Mienavita tak i pastupajuć krainy Bałtyi», — skazaŭ Łandśbierhis.
Kreml zajaviŭ ab vysokaj pahrozie vajennaha nastupu Ukrainy na Danbas
Krainy NATA abviaścili ab pierakidcy dadatkovych sił va Uschodniuju Jeŭropu
