U hramadzianstva pryniatyja asoby, jakija źviarnulisia «paśla adpaviednych daručeńniaŭ» Łukašenki, što byli dadzieny ŭ čas tak zvanaj «Vialikaj razmovy» 9 žniŭnia hetaha hoda.
Raniej Łukašenka ŭžo padpisaŭ anałahičny ŭkaz, pa jakim u hramadzianstva Biełarusi pryniaty 248 hramadzian Ukrainy.
Akramia taho, padraździaleńni pa hramadzianstvie i mihracyi MUS aformili rašeńnia ab pradastaŭleńni biełaruskaha hramadzianstva ŭ rehistracyjnym paradku 485 hramadzianam Ukrainy.
U cełym paśla «Vialikaj razmovy» Łukašenki kala 1,2 tysiačy čałaviek, jakija prybyli z Ukrainy, stali biełaruskimi hramadzianami.
Nahadajem, raniej stała viadoma, što Hałoŭnaje ŭpraŭleńnie pa baraćbie z arhanizavanaj złačynnaściu i karupcyjaj (HUBAZiK) prapanuje pazbaŭlać biełaruskaha hramadzianstva tych, chto byŭ pryznany vinavatym u ździajśnieńni asobnych katehoryj złačynstvaŭ «ekstremisckaha charaktaru».
