Archiŭnaje fota
Siaredniaja tempieratura pavietra budzie vyšejšaj za klimatyčnuju normu, jakaja składaje ad minus 2 hradusaŭ na paŭdniovym zachadzie da minus 5 na paŭnočnym uschodzie. U paraŭnańni ź listapadam, u śniežni tempieratura panižajecca na 4-5 hradusaŭ.
Pavodle słoŭ Dźmitryja Rabava, miesiačnaja kolkaść apadkaŭ čakajecca blizkaja da klimatyčnaj normy - 38-57 mm.
«Heta značyć, što nas čakajuć ad 18 da 21 «mokrych» dzion.
Taksama ŭ śniežni budzie ad 3 da 15 dzion z tumanami i hałalodami, ad 2 da 5 dzion z zaviruchaj. I, viadoma, mnohich chvaluje pytańnie: a ci budzie śnieh. Terminy ŭtvareńnia ŭstojlivaha śniežnaha pokryva mocna vahajucca ad hoda da hoda.
Čaściej za ŭsio da kanca śniežnia jaho vyšynia dasiahaje ŭ siarednim 4-10 santymietraŭ. Kali śniežań vydajecca ciopłym, to śnieh kładziecca tolki ŭ studzieni. Adnak, pavodle papiarednich prahnozaŭ, z-za taho, što nad terytoryjaj krainy buduć časta prachodzić cykłony, jość vialikaja vierahodnaść, što da kanca śniežnia ŭstalujecca ŭstojlivy śniežny kilim», - raskazaŭ sinoptyk.
