Vynik — kryminalnaja sprava. 6 lipienia Minski rajonny sud pryznaŭ jaje vinavataj u paklopie i pryhavaryŭ da dvuch hadoŭ chimii i abaviazaŭ vypłacić 9 tysiač rubloŭ štrafu. Kab paźbiehnuć pieraśledu, žančyna pakinuła krainu.
Jašče padčas znachodžańnia ŭ Biełarusi jana zapisała videazvarot da hienprakurora. «U majoj spravie dva tamy, 150 staronak, pracavali dva śledčyja, abodva padpałkoŭniki, čatyry miesiacy, — i ŭ joj niama nivodnaha dokazu pa sutnaści spravy. H. zn., jość adno słova, jano niehatyŭnaje, dadziena jaho leksiema — i ŭsio!» — zaznačaje jana.
Jana ździŭlenaja, što sa 140 kamientaroŭ u tym telehram-kanale mienavita jaje kamientar vyklikaŭ uvahu.
Natalla Kraśko taksama zaznačaje, što spadar Švied u svajoj vusnaj zajavie zhadaŭ zakon ab amnistyi.
«Ab jakoj amnistyi idzie havorka, kali vy izalujecie mianie ad hramadstva za karotki kamientar, dzie navat nie było Vašaha imia? Ja pracuju, u mianie jość stabilny dachod, klijenty… Vy pazbaŭlajecie mianie majho žyćcia, majho asiarodździa, pazbaŭlajecie mahčymaści prynosić karyść svajoj krainie, svajmu hramadstvu», — kaža žančyna.
Jana dadaje, što niekalki razoŭ sprabavała pamirycca z hieprakuroram: pisała listy, pisała zajavu, źviartałasia praź śledčych, ale było admoŭlena.
«Zaraz mianie niama ŭ krainie. Sumna i baluča ad taho, što zło ŭ dačynieńni da mianie praciahvajecca. Chaču dadatkova źviarnucca da tych kankretnych ludziej ź sistemy, jakija sustrelisia mnie va ŭsioj hetaj historyi: «Sistema pierastanie być, jak lubaja sistema. A ludzi — zastanucca. I vam znoŭ pryjdziecca pahladzieć mnie ŭ vočy…»
