Pastaŭščyki kažuć, što «Vitalur» ź imi nie raźličvajecca: viadoma pra doŭh u 444 tysiačy rubloŭ pierad pastaŭščykom krup «Ekałajnhrupp», pra doŭh u 159 tysiač pierad «Małočnym miram — stalica». Infarmacyju pra heta publikuje sud.
Jak vynikaje z bałansavaj spravazdačnaści kampanii, 2020 hod joj daŭsia ciažka. Čystyja straty «Vitalura» — bolš za 25 miljonaŭ rubloŭ. I heta na fonie čystaha prybytku kala 13 miljonaŭ u 2019-m. Taksama za minuły hod udvaja, da 139 miljonaŭ, vyraśli abaviazacielstvy kampanii pa pahašeńni «karotkaterminovych» (z terminam pahašeńnia da 12 miesiacaŭ) kredytaŭ i zajmaŭ.
Alaksandr Jacuk nie staŭ havaryć z karespandentam «Našaj Nivy». Ale jak tłumačać «Našaj Nivie» abaznanyja krynicy, prablema ŭ tym, što kampanija aktyŭna budavałasia, ale ŭ 2020-m pryjšoŭ kryzis.
Banki skaracili mahčymaści finansavać budoŭlu. Daviałosia dastavać hrošy, jakija pavinny byli pajści na raźlik z pastaŭščykami.
Ciapier kampanija sprabuje pierakredytavacca ci pradać častku budynkaŭ, ale canu nieruchomaści ŭ biznes-kołach pakul nazyvajuć «zavyšanaj», pakupnikoŭ u siońniašniaj situacyi ŭ Biełarusi niašmat.
Apošnim časam rytejł adčuvaje siabie biazradasna. Tak, zakryłasia sietka kramaŭ Bigzz, faktyčna pierastała isnavać sietka kramaŭ «Domašnij».
