Za minuły tydzień u śviecie było zarehistravana kala 2,6 młn vypadkaŭ zaražeńnia COVID-19 i kala 54 tys. vypadkaŭ sa śmiarotnym zychodam.
Pavodle Rajana, ciapier epidemijałahičnaja situacyja ŭ śviecie «lepšaja, čym 2-3 miesiacy tamu». Razam z tym, choć u niekatorych krainach i rehijonach adznačana rezkaje źnižeńnie zachvorvańnia, u inšych dziaržavach jana chutka raście. Heta adbyvajecca, adznačyŭ dyrektar prahramy, u siłu roznych faktaraŭ, siarod jakich źjaŭleńnie novych, bolš zaraznych štamaŭ, źmiakčeńnie pandemičnych abmiežavańniaŭ u krainach i pašyreńnie kantaktaŭ pamiž ludźmi.
Ekśpiert SAAZ Maryja van Kierkchovie acharaktaryzavała epidemijałahičnuju karcinu ŭ śviecie jak «nieadnaznačnuju». U pryvatnaści, u rehijonie Paŭnočnaj i Paŭdniovaj Amieryki zafiksavana źnižeńnie kolkaści novych vypadkaŭ infikavańnia (na 13%), a va ŭsich inšych rehijonach — pavieličeńnie. Za apošnija siem dzion u Jeŭropie zachvorvalnaść vyrasła amal na 28%, u Afrycy — na 15%, u Zachodnie-Cichaakijanskim rehijonie — na 10%, va ŭschodnim Mižziemnamorji — na 9%, u Paŭdniova-Uschodniaj Azii — na 7%.
U cełym u śviecie kolkaść chvorych za minuły tydzień, pavodle statystyki, trochi vyrasła ŭ paraŭnańni z papiarednim tydniem, a kolkaść śmierciaŭ, naadvarot, źmienšyłasia. Pa słovach ekśpierta, bolš vysokaja śmiarotnaść zarehistravanaja na minułym tydni ŭ Afrycy, Jeŭropie i Zachodnie-Cichaakijanskim rehijonie, tady jak u inšych rehijonach adznačana źnižeńnie kolkaści śmiarotnych zychodaŭ.
