Supracoŭniki Lepielskaha RAUS zatrymali mužčynu, jaki ŭstanaviŭ samarobnaje vybuchovaje prystasavańnie pad aŭtamabil žonki, kab adhavaryć jaje ad razvodu.
45-hadovaja žycharka rajona paviedamiła, što na dno jaje aŭtamabila nieviadomy prymacavaŭ padobny da vybuchoŭki pradmiet. Ab znachodcy žančyna daviedałasia ad svajho znajomaha, jaki ramantavaŭ mašynu.
Sapiory kanfiskavali samarobnuju bombu. Jana składałasia ź mietaličnaj banki z poracham, elektradetanatara, šrub dla paražeńnia i była padklučana da elektrasietki mašyny.
Apieratyŭniki kryminalnaha vyšuku vyśvietlili, što da ŭstaloŭki vybuchoŭki datyčny 44-hadovy muž. Takim sposabam jon chacieŭ napałochać žančynu, kab jana admoviłasia ad razvodu.
Śledčyja raspačali kryminalnuju spravu za zamach na zabojstva.
