Fota pixabay.com.
Zhodna z novym daśledavańniem, maleńkija dzieci, mamy jakich padčas ciažarnaści dychali pavietram ź vialikaj kolkaściu škodnych čaścinak, našmat bolš schilnyja da raźvićcia astmy.
Razmova idzie pra ultradyśpiersnyja čaścinki, jakija traplajuć u pavietra, akramia ŭsiaho inšaha, u składzie vychłapnych hazaŭ i dymu. Ličycca, što hetyja čaścinki pastupajuć praź lohkija budučaj maci ŭ jaje kryvatok, što vyklikaje zapaleńnie. Chutčej za ŭsio, čaścinki taksama traplajuć praz płacentu ŭ kryvatok embryjona, piša Guardian.
U daśledavańni ŭziali ŭdzieł amal 400 žančyn i ich dziaciej z horada Bostan. Padčas ciažarnaści hetyja žančyny dychali pavietram z roznaj kancentracyjaj ultradyśpiersnych čaścinak — ad 10 da 40 tysiač na kubičny santymietr. Vyśvietliłasia, što dzieci žančyn, jakija dychali pavietram z kancentracyjaj 30 tysiač čaścinak, u čatyry razy čaściej chvareli na astmu, čym tyja, čyje maci dychali pavietram z 15 tysiačami čaścinak na kubičny santymietr. Hetkaja roźnica ŭ zabrudžvańni ekvivalentna roźnicy pamiž aŭtadarohaj ź intensiŭnym rucham i maleńkaj vulicaj.
Navukoŭcy źviarnuli ŭvahu, što toj pieryjad ciažarnaści, kali embryjony najbolš uraźlivyja da ŭpłyvu ultradyśpiersnych čaścinak, zaležyć ad połu embryjona. Jany vykazali zdahadku, što, mahčyma, čaścinki ŭpłyvajuć na raźvićcio harmanalnaj sistemy arhanizma.
