Fota Fox News
58-hadovaja Randa Avis čakała transpłantacyi nyrki dzieviać hadoŭ. Donaram dla jaje staŭ 56-hadovy Ihal Ijehašua, jaki zahinuŭ na minułym tydni ad udaru cahlinaj padčas načnych biesparadkaŭ u horadzie Łod, što niedaloka ad Tel-Aviva, paviedamlaje The Independent.
Pra toje, kamu naležyła nyrka, Randa Avis daviedałasia sa ŚMI. Paśla apieracyi jana skazała: «Ja dziakuju siamji Ihala. Jon staŭ častkaj majoj siamji».
Pra bajavyja dziejańni, jakija adbyvalisia ŭ Izraili, Randa Avis skazała: «Usio žyćcio ja žyła ź jaŭrejami, i takoha nikoli nie było. Mnie baluča za maleńkich dziaciej, jakija paciarpieli ŭ hetaj vajnie. Pamiž nami musić być mir».
Dačka Randy Avis adznačyła: «Žachliva toje, što heta zrabili araby. I my araby. Heta niemahčyma apisać».
Pa słovach dački, jany buduć rady paznajomicca ź siamjoj Ihala. «My spačuvajem im, my suprać lubych zabojstvaŭ, my chočam adździačyć im za toje, što jany zrabili dziela nas».
